Latest News
الاثنين، 29 فبراير، 2016

ياباني و ألماني




بقلم الشاعر حسين الديب
السيسي فاكر شعبه ياباني
أو ألماني ** السيسي بيعامل مصريين
ولا رسايله لشعبه التاني **
بيقول طلابنا دول حلوين
طلاب مين **
طالب ماشي مدرسته بمطوا
و طالب تاني شايل سكين **
ولا مدارسه يا عيني عليها
ولا فصوله شايلة الطين **
____________
طب إسأل طالب في الثانوي
مين حاكم شعب فلسطين **
ولا إسأل طالب إعدادي
أي سؤال في كتاب الدين **
ولا إسأل طلاب الأزهر
عن غزوات المسلمين **
--------
ياعم السيسي بص كويس
ولا مش لابس نضارتك **
لو ناوي تعلم طلابنا
يبقى هتعدل في وزارتك **
----وتشوف عيبنا موجود فين---
لوكنت عاوز طلابنا
يبقو طلاب يابانيين **
يبقي هتطهر مدارسنا
من اساتذة متسولين **
وبكدة تضمن للطلبة
يكونو حقيقي حلوين **
ونكمل رسالتنا بكفء
و نكون ليك مشكورين **
وساعتها الدنيا هتتعلم
من علم المصريين **
  • Blogger Comments
  • Facebook Comments

0 التعليقات:

إرسال تعليق

Item Reviewed: ياباني و ألماني Rating: 5 Reviewed By: السيد خميس