Latest News
الثلاثاء، 23 فبراير، 2016

ياأم الشهيد





خرابيش/ محمد عبد العزيز سويلم

ياأم الشهيد أنا جاي أقولك حبة كلام
إمبارح إبنك جاني والله ف المنام
وقال لي روح بلغ سلامي وقول لها
ماتزرعيش صبار ياأمي علي قبري
إزرعي الخير وأحصدي ورد السلام
خلي الأمل ياأم الشهيد فوق الخدود
خلي العرق يطرح سنابل الجنود
دا القمر جاي الليله دي يزور بلدنا
وف جبينه أحلا صورة للوجود
صوت البلابل قال لنا أجمل نشيد
قال بكره يجي بعزمنا الفجر الجديد
واسمع أدان الفجر من قبر الشهيد
دي وصيه قالها في المنام إبنك يامصر
وف قلبه صفحه من نضال أهداف ونصر
لابد نوصل في النهايه لمجدنا
ونعيش مع الأعياد ياأمي في أحلي عصر
أوعي تنزل دمعتك ياغاليه عليا
أموت أنا ميت مره وتحيا مصر ...
  • Blogger Comments
  • Facebook Comments

0 التعليقات:

إرسال تعليق

Item Reviewed: ياأم الشهيد Rating: 5 Reviewed By: nona elsayed