Latest News
السبت، 27 فبراير، 2016

الوداع يا أمي




بقلم الشاعر حسين الديب
حبل الوداد إنقطع
بمفارقتك يا اما**
كل الأحبة إتفرقو
و الصحبة و اللما**
و دعاكي في صحوة فجر
قلبي معاك يابني**
إصحى و شوف مرزقك
تمسكني مية همه**
-------
مين ليا بعد فراقك
يا حبيبتي يا أمي**
مين هيمسح دمعتي
و مين يشيل همي**
مين في الجرح هيطبطب
و مين يشيل عني**
و إنتي إللي بتحزني
و تحني و تضمي**
و إنتي إللي كنتي في الصغر
تشيليني و تسمي**
مين ليا بعد الفراق
يملا مكان أمي**
----------
أنا سامع أمي في قبرها
صوتها يناديني**
بتقول عيني عليك يابني
إسكت يا نور عيني**
إسكت عشان خاطري
و إدعيلي بالرحمة**
قلبي برغم الموت
محبتك و دعوتك تحييني**
هصبر على فراقك
بدعوتي ليكي**
و هستناكي في الضيق
تيجي تواسيني**
  • Blogger Comments
  • Facebook Comments

0 التعليقات:

إرسال تعليق

Item Reviewed: الوداع يا أمي Rating: 5 Reviewed By: nona elsayed