Latest News
الثلاثاء، 8 مارس، 2016

روح إنتحــــر... ...


خرابيش : محمد عبدالعزيز سويلم


...
الإنتحار مش إنتصار...الإنتحار راح يضعفك يضيعك ...الإنتصار إنك تعيش وتحارب الخوف والظروف ...الإنتصار إنك تعيش ماتخفش شئ ...إنك تشوف قلبك جرئ ...راسم طريق مفروش ورود...رغم المصاعب والمخاوف والجمود ...الإنتصار إنك ترجع الإبتسامه للشفايف...إنك تعيش وسط البشر ماتكونش خايف...وتعيد زمان الممكنات...
إنك تصحي فيك بطولتك ... تعلن العصيان عليك...وتحارب الخوف والسكات...
إنك تموت الإنتحار جواك وترضي بالحياة..إنك تعيشها بحلوها وبمرها وماتقولش آه...
الإنتصار إنك تعيش حاسس بروحك...إنك تشوف بوحك نجاه...وإن إللي تاه منك رجوعه مش محال ...ترسم آمال...وف رسمتك تلقاك قوي . أقوي من كل الوجع
الإنتصار إنك تعيش مش بس تبقي مستمع...إنك تعيش وتحسس نفسك بقوتك
رغم محنتك...إنك تحس الكون .. وكونك يبقي حاسك ....إنك تشيل الإنتحار من حسبتك
الإنتحار مش هو حل المشكله...المسأله إنك جبان ...حاسس بأن الإنتحار هيخلصك....
بالمختصر الإنتحار يعني إنكسار...فإن كنت عايز تنكسر...ويخلصك ...... روح إنتحر
  • Blogger Comments
  • Facebook Comments

0 التعليقات:

إرسال تعليق

Item Reviewed: روح إنتحــــر... ... Rating: 5 Reviewed By: السيد خميس