Latest News
الجمعة، 23 سبتمبر، 2016

حقك على راسى


بقلم / هبه السعدنى

حقك على راسى
يالى معرفوش يحموك جوايا .
خدوك من حضنى ياضنايا
وكان قلبهم قاسى
حقك على راسى .
انا امك
انا وطنك
انا حضنك
انا سندك
سرقونى ونهبونى
هتكو عرضى ورمونى
أكلو حقك جوعوك
خانو ارضى وعرونى
لكل فاسد و كل ظالم
واللى بيخبى المظالم
واللى بيحرف تاريخ
عاوز يمحى فى المعالم
كل دول هما السبب انك تهاجر
تركب الموجه تقرر انك تسافر
والمصالح الخبيثه بيك تتاجر
بعد مااسودت حياتك
بعت ارضك من سكاتك
خدت بعضك ومراتك
قررت تهاجر بولادك
على مركب ملهاش اهليه
تهاجر هجرة غير شرعية
الفين واحد جوه مركب
وهى متشلش الا ال١٠٠
حقك على راسى
وعلى كل فاسد
او علمانى او سياسى
حقك على راسى
وعلى كل مهمل سيادى
او بيخرب فى اقتصادى
او فى ايده لقمة عيش
وبيستخسرها ويقول عادى
الله المنتقم الهادى
الجبار على كل فلاتى
وهحتسبهم عند الله.
الله يرحمكم ياولادى
  • Blogger Comments
  • Facebook Comments

0 التعليقات:

إرسال تعليق

Item Reviewed: حقك على راسى Rating: 5 Reviewed By: السيد خميس