Latest News
الأربعاء، 28 سبتمبر، 2016

مات البطل ،،،

 
 















بقلم الشاعر حسين الديب ،،،
ياشمس إهدي ما تطلعيش
خلي الظلام يسدل ستاره ،،
دا حبيبنا مات و إزاي نعيش
إزاي نعيش من غير نهاره ،،
مات البطل صاحب الزعامة
و سابنا نعيش بنار مراره ،،
سابنا و في إيدينا الكرامة
وقال نحافظ ع الشهامة
وقال نكمل إنتصاره ،،
-------
و راح جمال
و النصر لسه ف أوله ،،
وقال لنا ناخد القرار
و الصعب إحنا نكمله ،،
-------
طب و المر بعده إن طغى ؟
إزاي بقى نتحمله ؟
والليل لو أسدل ستاره ؟
هنجيب منين شمس تانية تجمله ؟
------
روح يا بطل
و إحنا نكمل إنتصارك ،،
الموت صحيح
ماهوش قرارنا ولا قرارك ،،
و الحياة
ما بتنتهيش بالوفاة ،،
و ما دمت عايش في القلوب
من تاني هينور نهارك ،،
  • Blogger Comments
  • Facebook Comments

0 التعليقات:

إرسال تعليق

Item Reviewed: مات البطل ،،، Rating: 5 Reviewed By: nona elsayed