Latest News
الاثنين، 24 أكتوبر 2016

إسألو المحروسة عني،،،


الشاعر حسين الديب ،،،
إسألو المحروسة عني
إسألو ست البنات
إسألوها حيث إني
ليا فيها ذكريات
إسألوها أصلي إني
حبي ليها للممات

_________إسألو المحروسة عني
أصل ليا إبن فيها
كنت ببكي عليه بحرقة
لما راح عشانها مات

_______
إسألوها يوم وفاته
كنت ببكي عشانه ليه
كنت ببكي بكل حرقة
بس مش ببكي عليه
كنت ببكي م الفراق
وخوفي من نار لإشتياق
بس كنت برغم حزني
بدعي ليها بالبقاء

__________
إسألو المحروسة عني
وهيا تحكيلكو حكاياتي
و إني وهبت ليها إبني
و إني بوهب ليها عمري
و إني مستعد أموت
بس أفديها بحياتي
،، إسألو المحروسة عني ،،
  • Blogger Comments
  • Facebook Comments

0 التعليقات:

إرسال تعليق

Item Reviewed: إسألو المحروسة عني،،، Rating: 5 Reviewed By: السيد خميس