الجمعة، 28 أكتوبر، 2016

بينك وبينى


زهره مصطفى
جاى شايل جوا قلبك 
100 سلام
ويا شوق سهران
ما نام
جاى فارد بين ضلوعك
بالمحبة 100 شراع
جاى تقول الكلمتين
اللى بيهم يحلا الكلام
واللى يفوق قلبى عليهم
انشغل واسهر ما انام
جاى تقول يا حبيبتى
وحشتى قلبى
بعدك عنى كان هلاك
جاى تقول ارجعيلى
ضمى حبى واسكنينى
لملمى جراح الليالى
امسحى بإيدك انينى
احضنينى. ...
وهدهدى القلب بغناكى
اسعدينى. ...
اذكرينى .. فكرينى. .
بكل اللى كان بينك وبينى
واسكبى دمى فى وريدك
واعذرينى ...
لما اغيب غصب عنى
لما يرجعنى حنينى
اوعى عنك تبعدينى
جاى وفاكر انى ناسيه
رغم انى لسه شايفه
كل نظرة .. كل لمحة
كل همسة حب بيها
بتنادينى. .
لسه فاكرة .. أيوه فاكرة
بس قلبى ماعادش
قابل اعتذار بينك وبينى

إرسال تعليق

رياضة

فنون

تكنولوجيا

 
copyright © 2014 جريدة إرادة شعب مصر | تصدر عن مؤسسة إرادة شعب مصر