الأحد، 30 أكتوبر، 2016

مش هفرض نفسى عليك


بقلم / هبه السعدنى
انا مش هفرض نفسى عليك 
ولاعمرى هفكر يوم فيك
اتعودت اكون انا حرة
مش لعبة صغيرة فى ايديك
انا مش هفرض نفسى عليك
هسيبك وأمشى بمزاجى
ولو مشيت عمرى ماهاجى
مش انت بعدت خلاص عادى
هنسى ان انا بصيت لعنيك
انا مش هفرض نفسى عليك
بتقلب وشك وتعاند
وتقولى يالا اقفلى دلوقتى
وانا اللى كنت فكراك ساند
اتارينى ضيعت فى وقتى
خلاص يالا يابابا شطبنا
وقفلنا علينا ابوابنا
ابعد بقا الله يخليك
انا مش هفرض نفسى عليك
ابعد عنى وانا ابعد عنك
مش عاوزة حاجه تانى منك
انسانى عشان قلبى ناسيك
انا مش هفرض نفسى عليك

إرسال تعليق

رياضة

فنون

تكنولوجيا

 
copyright © 2014 جريدة إرادة شعب مصر | تصدر عن مؤسسة إرادة شعب مصر