السبت، 15 أكتوبر، 2016

الخوف ،،،


الشاعر حسين الديب ،،،

اطلب تشوف
تعرف بإن مالينا خوف ،،
خوف م البشر خوف ع الحياة
والف خوف يتلعن فيه الظروف ،،
دول حتى قالو في المثل
سلم إللي خاف ،،
وإن شاف غلط لو تسألو
يحلف ما شاف ،،
عايش حياته في دنيته
زي الخراف ،،
أصل الحياة بيبقى فيها ناس تخوف
وعشان تخوف هيبقى فيها ناس تخاف ،،
مالينا الخوف ونقول خوفنا دا قوة
ونقول خوفنا بيدلنا مية قوة ،،
وعشان خايف وانا عارف
اقول على نفسي وانا في خوفي
انا فتوة ،،
انا اشجع الشجعان
وانا عمري وانا في اهلي ماكنت جبان ،،
لكن بردو مايمنعشي
اكون خواف كدة احيان ،،
مانا إنسان
لكن خوفي بسبب الظروف ،،
ولو تتحسن كدة ظروفي
أكيد إحساسي يتبدل
وما يعرفش تاني معنى الخوف ،،

إرسال تعليق

رياضة

فنون

تكنولوجيا

 
copyright © 2014 جريدة إرادة شعب مصر | تصدر عن مؤسسة إرادة شعب مصر