الأحد، 2 أكتوبر، 2016

حوار مع مصر قصيدة للشاعر سيد البالوي

 
 
 
 
 
 
 
 
 
 
 
 
 
 
 
 
 
 
قصيدة للشاعر سيد البالوي 
 شكل الجناين ف السما معرفنهوش كل اللى راحوا اتاكدوا لكن مجوش حتى الفؤاد اللى بينبض بالحياة كل اللى عاشوا بنبضته شكل الفؤاد مشفوش وانتي اللى فيكي كل شيء حتى الحياة والموت من صغري نفسي اكلمك وتقولي ليه مكبوت ؟ عدد الخلائق كلهم فيكي الشباب يتعد وإن قلتي يا بنت البلد هاتلاقي اجمل ورد حتى المقطم من زمن شاهد معاه النيل واللى بفاسه يوم حفر ليكي القناة والسد فيكي تملي لغز ياه حير معاه ملايين انتى الغنية بالأمل وانتى الغنية بالحياة وانتى الحضارة والهرم وانتى القوية ك الإله بس الغريبة فيكي آه والكل ذايق طعمها فاكرة اما كنت ف مدرسة وسط الجبل ملهاشي سور كنا بنجري وننتحر مين اللى ها يحيي العلم مين اللى ها يقول تحيا مصر وتقول معاه كل الجبال فاكرة أما كنا بنختلف مين اللى هايكون يوم رجال مين هايكون عسكري مين الطبيب مين البطل مين اللى هيكون يوم علم زى العلم زى التاريخ مين اللى فارس ف الأدب مين اللى قائد وبصحيح كنا بنرفع وشنا ونقول يا مصر كنا عرابي والمقوقس والفاروق عمره ما كنا بينا فروق كنا بنعشق بعض عشق مين اللى دخل وسطنا كلمة فراق مين اللى قاصد نشتمك واحنا السبب احنا اللى سبنا حلمنا من غير صمود احنا اللى جبنا سبلنا من فكر بيبثه العدو وبقينا أسوأ من عدو وإن قول عليكى انتى العدو وإنتي اللى مظلومة بنا ومتحمله نقتل ونحرق بعضنا ونقوم بحبك نحتفل واحنا فقدنا الاتجاه حتى الحياة فيكى بتسأل نفسها فين الحياة؟

إرسال تعليق

رياضة

فنون

تكنولوجيا

 
copyright © 2014 جريدة إرادة شعب مصر | تصدر عن مؤسسة إرادة شعب مصر