Latest News
الجمعة، 18 نوفمبر، 2016

،،،دعوة موت ،،،


الشاعر حسين الديب ،،،
وجاني الموت و أنا نايم
رميت عيني على الدنيا
لاقيت الدنيا بتكشر
وبتقولي روح وفارقني
ولاقيت الموت بيندهني
بصيت للموت و قولت إصبر
ولسة يا دوبني بتكلم
لاقيت صوتها بيسبقني
وبتقولي ياريت ترحل
روح للموت دا المكان ما بقاش مكانك
روح لحالك دا الزمان دا مش زمانك
و الحكاية إنك إنت من البداية
و إنت مكتوبلك تموت
و إن أملك في الحياة
مشدود بخيط العنكبوت
و إن بيتك مش هنا
مهما تبني في البيوت
البيوت دي للميراث
وكل ما يكون مالك كتير
هتلقى دعوة أعز ناس
بتدعي ليك إنك تموت
  • Blogger Comments
  • Facebook Comments

0 التعليقات:

إرسال تعليق

Item Reviewed: ،،،دعوة موت ،،، Rating: 5 Reviewed By: السيد خميس