Latest News
الأربعاء، 30 نوفمبر، 2016

زمن الشعر الصامت


الشاعر حسين الديب ،،،
في زمن اﻷبنودي حبيبنا
كان الشعر له كذا معنى ،،
كنا نشوف صورة اﻷبنودي
الكلمة منه تمتعنا ،،
و الغنوة من غير المطرب
من صوته تطرب مسامعنا ،،
دلوقت بنقول أشعار
و بنشعر ليل ويا نهار
و مافيش في الناس إللي بيسمعنا ،،
غير واحد أو يمكن أكتر
هو دا بس إللي مشجعنا ،،
-------
العيب دا في الشارع يمكن
ولا العيب في الشعر الصامت ،،
إللي يشوف الخوف جاي يسكن
في قلوبنا و بيفضل ساكت ،،
وبيدفن راسه في الطين
زي نعامة م الخوف نامت ،،
زي شبابنا ف فلسطين لما يموتو
وكل العالم واقف ساكت ،،
-------
كان فينك يا صلاح الدين
لما قلوب العالم ماتت ،،
كان فينها غزوة حطين
لما كرامة العربي إنداست ،،
زي مآسي الشعب السوري والبغدادي
و زي مآسي الشعب اليمني
لما الحرية لكل شعوبهم
زي الشمس ولكن غابت ،،
--------
كان فينه عدل السلاطين
لما عشان الكرسي يدوم
قتلو شعوبهم و مسكو سيوفهم
و دبحو الشعب و خلو رؤسهم منهم طارت ،،
وإللي يعارض يقطعو راسه
و إللي يعيش علشان يبقى
لازم يبقى عايش صامت ،،
و حتى الشاعر علشان يبقى
يا يبقى منافق يا إما يبقى شعره دا صامت ،،،
  • Blogger Comments
  • Facebook Comments

0 التعليقات:

إرسال تعليق

Item Reviewed: زمن الشعر الصامت Rating: 5 Reviewed By: السيد خميس