الأحد، 20 نوفمبر، 2016

الجنيه و الدولار ،،،


الشاعر حسين الديب ،،،
إبسط ياعم البيه
دولارك أصبح دهب
و بيمشي يتمختر ،،
و بيتباهى بجماله
و برمشه أبو لون أخضر ،،
و إحنا في جيبنا الجنيه
ما بيساويش ملاليم ،،
و المعبد إللي عليه
أصبح نحاس أصفر ،،
---------
يا عم ياد البيه
إنت دولارك عفي
وطريقه مفتوحله
ولا عاد يهمه حد ،،
ماشي و بيسابق
وسريع قوي في المد ،،
و إحنا جنيهنا وراه
ماشي بيتعكز ،،
يتعب قوي و يموت
و يطلع بمليون سبب
لو دخل في وقت الجد ،،
---------
تعبان قوي م المشي
قولناله إنزل عوم ،،
و أول ما قدف غرق
و قابله مليون سد ،،
---------
لملم هدومك و إمشي
يا جنيهنا و إنسى الغد ،،
وسيب الدموع تملا
عيون الفقير و الخد ،،
وخلي الدولار يفتح
رجليه قوي في المد ،،
-------
سيب الدولار ينفرد
و يبسط صاحبنا البيه ،،
و بكره إحنا هنفتكرك
ونقول كان لينا صديق
و إسمه زمان الجنيه ،،

إرسال تعليق

رياضة

فنون

تكنولوجيا

 
copyright © 2014 جريدة إرادة شعب مصر | تصدر عن مؤسسة إرادة شعب مصر