Latest News
السبت، 3 ديسمبر، 2016

ألف كلمة


الشاعر حسين الديب ،،،
ألف كلمة و كلمة جايز
قلبي ينطق مرة بيها ،،
ألف كلمة بس عايز
قلبك إنتي يحس بيها ،،
ألف كلمة بس إنتي
تهدي مرة و تسمعيها ،،
تسمعي حكايتي و حالي
و قصتي راح تعرفيها ،،
و تعرفي أنا إيه جرالي
لما شوفتك من يوميها ،،
من يوميها أنا قلبي دق
دقة واحدة بس فيها ،،
فيها نور كالشمس نور
و الليالي كنتي فيها ،،
كنتي فيها زي بدر
و أحلى فرحة فرحت بيها ،،
و فرحي قبلك كان في سطر
و حياتي بيكي الفرح ماليها ،،
و روحي قبلك ما تعرف حب
و كان في الحب ما ليها ،،
لكني شوفتك خلاص حبيت
و حبك للروح ساكن فيها ،،
و قلبي دق دق دق
وكل دقة يدقها
بيبقى بيناديكي فيها ،،
و يقولك ييجي ألف كلمة
بس نفسه لو في مرة
إنك إنتي تسمعيها ،،
  • Blogger Comments
  • Facebook Comments

0 التعليقات:

إرسال تعليق

Item Reviewed: ألف كلمة Rating: 5 Reviewed By: السيد خميس