Latest News
السبت، 31 ديسمبر، 2016

تفوت أيام


الشاعر حسين الديب ،،،
تفوت ايام وراها سنين
و ادينا بخير مادام عايشين ،،
و مادام الحزن مداري
نبان سعدا بقلب حزين ،،
-----
و نشكي ليه في أحزاننا
مادام الدنيا مش جنة ،،
و ادينا أهوه بنتمنى
نعيش أحلى سنين جايين ،،
------
و يعيش الفرح في قلوبنا
و يموت الحزن و عيوبنا ،،
و نكون أجمل في إسلوبنا
و الصخر إللي ف قلوبنا يلين ،،
-------
و تفوت ايام بأحزانها
و تيجي سنين و مين عالم بأيامها ،،
جايز يكون الفرح أدامها
و قصاده الحزن متربص عامل له كمين ،،
------
و تفوت أيام وراها سنين
و مازلنا بردو في الدنيا إسمنا عايشين ،،
و مازلنا بردو بنتمنى
نعيش أحلى سنين جايين ،،
-----
نعيش بالفرح و اﻷحلام
ويكون الفرح نور لينا في كل ضلام
و يكون الحلم دنيتنا
و تسير بالحلم أيامنا
و تكون دي أجمل اﻷيام ،،
،، تفوت أيام ،،
  • Blogger Comments
  • Facebook Comments

0 التعليقات:

إرسال تعليق

Item Reviewed: تفوت أيام Rating: 5 Reviewed By: السيد خميس