Latest News
الثلاثاء، 27 ديسمبر، 2016

إضحك لﻷيام


الشاعر حسين الديب ،،،
إضحك لﻷيام تضحكلك
و اﻷيام السودا تعدي ،،
و شاور ع اﻷحلام تلقاها
تيجي قصادك يوم و تهدي ،،
و إن شوفت اﻷحزان بتنادي
عيش ويا اﻷحزان بتحدي ،،
و إفتح لﻷفراح دراعاتك
تلقى الفرحة جايةعليك ،،
تلقى البسمة تحوش دمعاتك
و تلقى الضحكة ماليه عنيك ،،
و تلقى الدنيا تحت أقدامك
جايه تقدم فرض الطاعة ،،
و إنت بزهدك راح تزهدها
حتى إن باست يوم رجليك ،،
حتى إن جعلت نفسها أنثى
و واقفة بتوهب نفسها ليك ،،
و بردو إن جعلت نفسها مال
و مالها بيملا كف إيديك ،،
إزهد فيها و كل ما تزهد
هتيجي و تركع و كمان تسجد
و تقولك خدني أنا ملك إيديك ،،
و إضحك للأيام تضحكلك
و اﻷيام السودا تعدي ،،
و إن جالك حزنك يندهلك
عيش ويا اﻷحزان بتحدي ،،
  • Blogger Comments
  • Facebook Comments

0 التعليقات:

إرسال تعليق

Item Reviewed: إضحك لﻷيام Rating: 5 Reviewed By: السيد خميس