Latest News
الثلاثاء، 20 ديسمبر، 2016

صباح الخير على بلادي



الشاعر حسين الديب ،،،
صباح الخير و بنصبح
صباح هادي و مش عادي ،،
في صباحنا الورد بيفتح
و بيبقى يومنا يوم نادي ،،
صباح الخير على أهالينا
في كل نجع و مدينة
وصباح الخير على سينا
صباح الخير على بلادي ،،
-------
صباح الخير يا أمي
و يا زوجتي ويا ولادي ،،
و يا صحابي إللي عاشو سنين
معايا ف فرحي و ف حزني
و بوجودهم تحلى أعيادي ،،
صباح الخير على الشهدا
إللي ماتو فداكي يا بلادي ،،
صباح الخير على القادة
إللي عايزين مصر يا سادة
تكون أجمل و كالعادة
هتبقى جنة الوادي
،، صباح الخير على بلادي،،
  • Blogger Comments
  • Facebook Comments

0 التعليقات:

إرسال تعليق

Item Reviewed: صباح الخير على بلادي Rating: 5 Reviewed By: السيد خميس