Latest News
السبت، 7 يناير، 2017

الطيار


الشاعر حسين الديب ،،،
الطيار خرب الدار
وخلى بيته يا دوب ع الحيط ،،
سرقله سريقة و خدها و طار
و خلى حميره جوا البيت ،،
في حمار ينهب و حمار يسرق
و حمار عايش ياخد رشوة و ما بيشبعش
و حمار تاني من جبروته
عاوز ياخد حيط البيت ،،
و حمار تاني إحتكر القوت وقال للموت
خليك واقف جنب الحيط ،،
و إللي يعارض يوم تفكيرنا
أو هيطالب صوته تغييرنا
ولا يدور في دفاترنا
نحدفهولك برا البيت ،،
و على نهج الطيار هنسير
و مش هيأثر فينا تغيير
مهما يدبرو في التدابير
إحنا هنا أصحاب البيت ،،
  • Blogger Comments
  • Facebook Comments

0 التعليقات:

إرسال تعليق

Item Reviewed: الطيار Rating: 5 Reviewed By: السيد خميس