Latest News
الثلاثاء، 31 يناير، 2017

اخاف على قلبى


شعر / زهره مصطفى 
اخاف من قلبى على قلبى 
يشرب كاس الغرام ويتوه
وألف ادوّر على المرسى 
واكيد هنسى 
منين وازاى انا جايه 
ويفضل حلم جوايا 
شاغل بالى .. 
أكيد هوصل ؟ ! 
لا جوا الطريق شايفه 
علامة تدل بنهاية 
وانا واقفة......... 
على شط الهوى حيرانة 
واقول ازاى 
انا هاوصل 
واوصل كل اوتارى 
واعزف بيها الحانى 
واغنى غنوة المشتاق 
ويطلع النغم ناشز 
ما انا عارفة 
مفيش بداية تحلالى 
و الاقى فيها أحلامي 
لأصحى بهموم ودموع 
يا اخبى الدمع وادارى 
انا ع البر مش راسية 
وجوا البحر موج قاسى 
وليه على قلبى انا خايفه ؟
عشان القلب مش غاوى 
يجرب قصة الاحباب 
ويسهر ليله مع نجمه 
ويصحى بشوق على لهفه 
ولو مرة فى الجراح 
ما ارتاح 
يقول الاه مع الدمعه 
انا خايفه على قلبى 
يتوه منى على السكة
  • Blogger Comments
  • Facebook Comments

0 التعليقات:

إرسال تعليق

Item Reviewed: اخاف على قلبى Rating: 5 Reviewed By: السيد خميس