Latest News
السبت، 14 يناير، 2017

فضفضة_كلام. "حياتنا كراس"


قلم/داليا اسماعيل
.
فاكر زمان وانت صغير أول مابدأت تتعلم الكتابة وكان #القلم_الرصاص هو اللي متاح ليك وقتها.
كان بيعلموك .. ازاي تكتب من غير ماتخاف وإنك حتي لو اخطأت ممكن تحزف خطأك بسهولة جدا ، بس أنت كنت مستعجل جدا علي #القلم_الجاف علشان تكتب به بس هما دايما كانو يقولو ليك اصبر لما تكبر انت لسه صغير ، ولما تشوفة في ايد الأكبر منك تزعل جدا وتقول امتي اكبر بقي. 
.
هما كانو بيقولولك كدا علشان عارفين ان الغلطة اللي هتغلطها وانت كبير مش هتعرف تمسحها بسهولة لمجرد انك تستخدم #الجومة_او_الأستيكة وانما ممكن تحزفها لكن بمعناه بعد ماتفكر انك تقطع ورقة من كراس او تحرقها او حتي تعلم عليها #أكس وقتها بتلاقي إن الكراس بدأ شكلها يتشوه ويتغير للأسوء بسبب الاخطاء الكتيرة والغير مقصودة. 
.
بس للأسف ،،
علموك تتعلم تكتب وتتجرأ علي الغلط وماعلموش ان الغلطة بحساب علشان تعمل حسابك عليها وقت القلم الرصاص وتحسمها بعقلك وقت الكتابة بالقلم الجاف. 
.
اهي حياتنا لما كبرنا أصبحت كدا بالظبط عبارة عن #كراس وانت بتسطر وبتكتب فيها #بالقلم_الجاف وأي غلطة غير مقصودة بتتحسب عليك وماحدش في مجتمعنا هيغفرها ليك مهما حصل .
.
علشان كدا.. 
_ في مننا اللي بيقف في مكانه وبيخاف يسطرها ويكتب فيها لأنه ممكن يغلط وتتحسب عليه. 
_ وفي مننا اللي ملاها اخطاء وبيبحث عن كراس تاني يبدا به من جديد أي "عمر جديد" .
_ وفي مننا اللي بيشوة نصها ولما بيفكر يبدأ من جديد بعد مايتعلم يقولك هقطع القديم او هحرقة او حتي علم علية بالأكس. 
.
تفتكر في حياتنا كام صفحة علشان نستهتر بها ونملاها اخطاء وعلامات سواء علشان نرجع في الأخر نقول هنقطعها او نحرقها؟؟ 
طب تفتكر في حياتنا كم نقطة او علامة إستفهام او حتي درجة علشان كل لحظة نقول هنبدأ من #الصفر؟ 
.
وبكل اسف حياتنا اورقها معدودة وسطورها محدودها وحبرها اللي بنكتب به بيستنفذ في لحظة من غير مانشعر.
.
نصيحة.. 
( علموا اولادكم من البداية ان الغلطة بتكون محسوبة علينا وصعب جدا نحزفها من حياتنا بسهولة علشان كدا لازم نفكر جيدأ قبل مانكتب ونسطر وفي نفس الوقت نحسب لكل خطوة حساب ونقدر قيمة الثانية في حياتنا علشان مانستهلكش وقت كبير في التفكير ونجعل الخوف والقلق يسيطر علي حياتنا، وكمان علموهم من البداية ان القلم الرصاص ماهو الا تجربة بتعلمنا ازاي نكون اقوي واجرأ لما نقدر نستخدم القلم الجاف وماتحزفلوش الغلطة بسهولة علشان يحس بقيمة تأثيرها علي حياتة)
.
كم كنت اتمني لو نعود صغار لندرك ماحقيقة كل من الكراس والقلم الجاف والرصاص في حياتنا.
  • Blogger Comments
  • Facebook Comments

0 التعليقات:

إرسال تعليق

Item Reviewed: فضفضة_كلام. "حياتنا كراس" Rating: 5 Reviewed By: السيد خميس