Latest News
الجمعة، 17 فبراير 2017

مـوضـة ... ســودة



خرابيش/ ‏محمد عبدالعزيز سويلم‏.
...
أنا مش هكتب بالفصحي في اللغه العربيه .. بس هكتب باللي أنا شايفه باللغه العاميه ...
كانت شوره طين .. وسواد طافح .. علي إللي فكر في دخول الموضه القذرة لبلدنا النضيفه ..
كنت ماشي لمصلحه معينه في شوارعنا الجميله .. شوفت بعض من الشباب والرجال لابسين بناطيل مقطعه وبطريقه مجنونه .. وفيه إللي لابس بنطلون شكله زي مايكون ( عاملها علي نفسه ) وفيه إللي لابس بنطلون غرقان في الدم .. وفيه إللي مسقط بنطلونه بطريقه زباله وخايبه .. لأ .. وإيه ...
عامل دقن طويل وشنب طويل وعاملهم بحنه وحالق جوانب راسه وسايب أعلي الراس بشعر طويل جدا" ومثبته بجل .. وضارب نضارة بألوان الطيف عشان تمشي علي كل الألوان .. دا.. حتي ألوان اللبس نفس لون لبس الحريم .. لو الشاب دا إبنك والا أخوك هتعمل إيه ؟ ولو جه يتقدم لبنتك هتوافق ؟ ...دا بالنسبه للرجاله ...
...
أما بالنسبه للبنات أو الحريم فالموضوع عايز واقفة رجاله... إزاي ياراجل ياشرقي يامحترم ياصاحب الأصول زي إنت مابتقول وعمال تكتب علي صفحات الفيس بوك عن الأدب والأخلاق .. ترضي علي نفسك إن بنتك ..أو.. أختك أو.. زوجتك تلبس اللبس دا .. والجميل في الموضوع إنها بتكون محجبه .......ياسلااااااام علي الديمقراطية والحريه والمفهوميه ... إيه ياوااااد الجمال دا ...... والله ماأنا فاهم فيه إيه ... راحت فين الرجاله ؟؟ 
ولو إنت عايز تتجوز أو تجوز إبنك .. ترضي إن يكون في بيتك المنظر دا .. 
محدش يقولي موضه أو حريه شخصية ... الكلام دا بيعود بالسلب علي مجتمعنا وأولادنا .. لازم كلنا نحافظ علي بيوتنا وأهلنا ... ياجماعه إحنا مصريين شرقيين ولنا أصول الدنيا بتتكلم عنها ... كانت موضة سودة علينا ... الموضوع دا لازم له واقفه ...
لازم صاحب البيت يكون ( دكر ) ها ... قولت إيه ؟؟ هتكون دكر والا ( .............. ) ؟؟؟؟؟؟
  • Blogger Comments
  • Facebook Comments

0 التعليقات:

إرسال تعليق

Item Reviewed: مـوضـة ... ســودة Rating: 5 Reviewed By: السيد خميس