Latest News
الاثنين، 13 فبراير، 2017

خيوط العنكبوت



بقلم كابتن |سعيد عبد العزيز الحاجه
يا خيوط العنكبوت 
لو نفسك تموت 
تعالى وخطى الحدود 
فى أنتظارك جنود أسود
وطياره مستنيه أشاره 
وصاعقه هتجيبك من مغاره 
وخاصه هتكلك كفاره 
ومصفحه هتلفك دباره 
ودمك ريحته قذاره
دى مصر مش إماره
وشعبها صاحب حضاره 
وجيشها حامى بجداره 
لو نفسك تموت 
تعالى وخطى الحدود
مصر قويه وعافيه 
و عمرها ما كانت تكيه 
ولا شعبها عمال وسيه 
ولا أرضها كانت سابيه 
يقسموها العصبجيه 
لو نفسك تموت 
تعالى وخطى الحدود 
هتلاقى جنود أسود 
وشعبها فى حاله صمود 
حالفين ما يعودوا للبيوت 
ألا يطهروها من العنكبوت 
ويرجعوا مجد الجدود 
أل غزوا قبلك الحدود 
ريحتهم غطت الوجود 
غيبوك وهربوا للسدود 
وأحنا فى حاله ثبوت 
حتى الفيران لجحورها تعود 
ويبقوا فى حاله قنوت
وقتها جنودنا راح تعود 
لو نفسك تموت 
تعالى وخطى الحدود 


  • Blogger Comments
  • Facebook Comments

0 التعليقات:

إرسال تعليق

Item Reviewed: خيوط العنكبوت Rating: 5 Reviewed By: السيد خميس