Latest News
الاثنين، 20 فبراير، 2017

غربة نفس



شعر / زهره مصطفى
وايه اكون جواك 
بعد الوجع الكاسر قلبك 
كنت البلسم لما قابلتك 
شوف دلوقت بقينا ازاى 
بقت الكلمه بطرف لسانك 
متقولهاش 
بقت النظرة تحت رموشك 
ولا شوفهاش 
شوف دلوقت بقينا ازاى 
غربة ما بينا تعدى بلاد 
رسم الخط الواصل بينا 
الف بعاد 
حتى اللمسة فى وقت سلامنا 
باردة ومات فيها الاحساس 
كنت معاهد نفسك منى 
وبتسقينى كاس ورا كاس 
وانا من توهة عقلى نستنى 
اديتك حق الإخلاص 
شفتك برق فى مطر القلب 
دعيتلك تبقى بكل الناس 
واه م الناس .... 
كنت سلامة روحك لما وجع الروح 
يفتح لى بيبانك للاشباح
وا اسفاه ..... 
خليك راحل .. 
اوعى تعاود ... 
قلبى الطيب روح انساه ... 
بعدك شاف الدنيا وسلم... 
الإنسان لازم ينداس ... 
فبلاش ترجع ... 
كل وعود الحب ما بينا ... 
جوا نيران الهجر أهى باتت .. 
سحر رمادها مكحل عيني .. 
كما لو نجمة ف قلب ظلام .... 
جرحك ليا بيقوينى .. .. 
بيخلينى قطعة ماس .... 
اصل الماس .... 
يبهر كل عيون الطالع .. 
لكن قلبه بدون احساس ..
  • Blogger Comments
  • Facebook Comments

0 التعليقات:

إرسال تعليق

Item Reviewed: غربة نفس Rating: 5 Reviewed By: السيد خميس