Latest News
السبت، 25 فبراير، 2017

عمرو السعدنى نجم الفويس أوفر فى حوار صحفى مع الصحفية هبه السعدنى.



حوار صحفى / هبه السعدنى
فى حوار فريد من نوعه حوار شيق لفنان موهوب امتعنا كثيرا بأداءه الصوتى البارع والمميز ، اداءه لشخصيات اثرت بداخلنا كثيرا ورددناها بدون معرفة الشخص الذى قان بالاداء البارع والمتميز .
معى ومعكم اليوم ال voic over عمرو السعدنى .
فى البداية اهلا بيك ياعمرو فى حوار صحفى لجريدة الوطن وسعيدة جدا انى اكشف عن صاحب صوت واداء شخصية الاستاذ ناصح وخليك ناصح ياناصح وجميع شخصيات اعلان اتشهر جدا لمنتج منتشر حاليا وبرومو مسلسلات رمضان .
صاحب كلمة رمضان يقربنا عمرو السعدنى
فى بداية الحوار برحب بيك واسمحلى اسئلك .
س١- من هو عمرو السعدنى ؟؟ 
ج/ عمرو السعدنى هو فويس أوفر ومذيع 31 سنة بحب جدا شغلى جدا وحالف انى اوصل فيه لاخر حاجه ممكن اوصل ليها فيه متعتى كلها وانا شغال بحس انى الساعات فيه بتعدى دقايق.
س٢- كيف اكتشفت ان لديك موهبة الفويس أوفر ؟؟
ج/ من زمان جدا من ايام كابتن ماجد كنت بجيب التسجيل واجيب شريط فاضى وافضل اعمل حوار مع اللاعيبه وافضل اقدم كابتن ماجد . ده وانا صغير لما كبرت بدات مع ظهور نجوم اف ام 2003 كنت بفضل برضه اسجل حلقات لاسامه منير واشغلها فى العربيه وكل اللى راكبين معايا كانوا بيفتكروا انى ده الراديو مش انا كنت بقعد احلف ليهم انى ده انا مكنوش بيصدقوا غير لما فعلا اتكلم بالظبط زى اللى مسجله ومن هنا جت انى فعلا لازم صوتى يوصل ادام ناس كتير مرتاحه ليه ومش حاسه بعيد عن اللى بتسمعه .
س٣- احكلنا عن بداية مشوارك وازاى اصبح لديك البراعه فى اداء اكثر من شخصيتين فى نفس الوقت ؟؟
ج/. البدايه الحقيقه كفويس اوفر زى اى واحد نفسه يخش المجال ومش عارف يعمل ايه ولا يوصل ازاى وكلمت طوب الارض زى ما بيقولوا لدرجه انى اتنصب عليا فى مبلغ عشان كنت عايز احقق حلمى بس موصلتش لحاجه لغايه لما اتعرفت على مخرج واشتغلت معاه اعلاناته بدون اجر لحد ما صوتى اتعرف واشتغلت فى اعلانات تانى اكتر.
س٤- هل هناك اعمال فنية قريبا ومن هو مكتشف موهبه التمثيل لديك ؟؟
ج٤/ بعد مسابقه راديو استار على نجوم اف ام جالى اكتر من عرض من قنوات تليفزيونيه واذاعات راديو بس لسه مش استقريت بس كل اللى اقدر اوعد بيه كل اللى متابعنى انى ان شاء الله هيكون ليا برنامج فى رمضان على اذاعه fm . صديقى عمرو عنتر ورشحنى فى دور ظابط فى مسلسل حاره اليهود رمضان 2015 ومنه ان شاء الله هدخل فى اعامل تانيه بس حاليا مركز فى الاذاعه وبعدها التمثيل . ودايما صديقى المخرج الجميل محمود سليم مرشحنى فى اكتر من عمل وان شاء الله هكون معاه قريب جدا .
س٥- ازاى ممكن اكتشف ان جوايا موهبة الفويس أوفر؟؟
ج٥/ ازاى تكتشف عندك موهبه الفويس اوفر اول حاجه لازم يكون صوتك مميز . تانى حاجه احساسك هو اللى بيوصل معنى الاعلان او البرومو او اى شغل بتعمله . الصوت لوحده مش كفايه على اد احساسك لانى الاحساس مش بيتعلم . فلازم يكون عندك الصوت والاحساس.
س٦- ماهى الشخصيات التى قمت بأدائها حتى الأن؟؟
ج /. الشخصيات اللى قمت بيها وكانت تقريبا 7 شخصيات من خلال حمله لمبات فينوس الليد من اول اعلان لاخر اعلان كل الشخصيات صوتى وكلهم مختلفين عن بعض وكمان كنت مقدم شخصيه دكتور مع النجم هانى رمزى فى مسلسل هن السهن فى رمضان 2015 على نجوم اف ام وعملت 3 شخصيات مع النجم هانى رمزى فى مسلسل مؤذى الزناتى على نجوم اف ام رمضان 2016 والعادى اعلانات وبرومات باصوات مختلفه.
س٧- إحكلنا عن تجربتك فى مسابقة نجوم اف ام 2017؟؟
ج٧/ تجرتبتى فى نجوم اف ام كانت تجربه جميله وعملت ليا علاقات بناس انا بحبها جدا وكوادر فى الاعلام كلنا بنتعلم منهم واضافات ليا ملحوظات مهمه وكمان عرفتنى على 19 متسابق جمال ودى البدايه مع نجوم اف ام واللى جاى اجمل.
س٨/ هل حسيت ان شعبيتك زادت بعد المسابقه؟؟
ج٨/ اها طبعا انا يوميا بيجيلى طلبات صداقه كتير والاكتر بعد ما خرجت من المسابقه بتجيلى مسدجات كتير من ناس مش اعرفها مش تزعل وانت كويس جدا وصوتك مميز جدا واحسن صوت ومش عرفينى ازاى مش كملت فرحتنى اوى الرسايل دى وحسيت انى فعلا وصلت للناس وكل يوم ناس بتكلمنى
س٩/ ماهى الاعمال القادمة التى ستقوم بها قريبا ؟؟
ج٩ / ان شاء الله اللى جاى بحضر لبرنامج اذاعى على اذاعه fm ومسلسل رمضانى اذاعى برضه وان شاء الله فى مشروع تمثيل لعمل فنى لرمضان واعلان جديد فى حمله لمبات فينوس الليد بشخصيات برضه جديده.
س١٠/ ماهو الحلم الذى تعمل على تحقيقه ومازال لم يتحقق حتى الان؟؟
ج١٠/ الحلم انى ابقى المذيع رقم 1 فى مصر وبسعى بكل جهدى وبطور من نفسى كل يوم عشان احقق الحلم ده وان شاء الله هكون المذيع الاول فى مصر.
_فى نهاية الحوار بشكرك جدا ياعمرو وبجد كنت ضيف جميل معايا وفنان موهوب واتمنالك مزيدا من التألق والنجاح .
- انا اللى بشكرك جدا على الحوار الجميل واللى اتاح لكل الناس تعرف عمرو السعدنى اكتر.
  • Blogger Comments
  • Facebook Comments

0 التعليقات:

إرسال تعليق

Item Reviewed: عمرو السعدنى نجم الفويس أوفر فى حوار صحفى مع الصحفية هبه السعدنى. Rating: 5 Reviewed By: السيد خميس