Latest News
الخميس، 16 مارس، 2017

أصبحت م المشاهير



الشاعر حسين الديب ،،،
دورت في الدفاتر
لاقيتني م المشاهير ،،
صحيح أنا مغمور
لكن مغمور كبير ،،
في ناس تعرفني ضحكة
و ناس تعرفني بسمة
و ناس في كل سكة
تحدفني بالطباشير ،،
و ناس عملاني غنوة
بتسلي في المشاوير ،،
---
في ناس تعشق كلامي
و ناس تكره سلامي
و ناس مش عارفة حاجة
بتقول إني حرامي
و بسرق كل شعري
من أشهر اﻷسامي
مع إن كل شعري
مكتوب و أنا ع السرير ،،
----
و ناس بتقول بقلد
الفاجومي و إبن جاهين
و ناس بتضيف ﻹسمي
اﻷبنودي بعد حسين
و ناس بتسب فيا
و ناس بتقول عليا
إني بيعت القضية
و مش شايف المظلومين ،،
----
بس برغم الحكاوي
و التشبيهات و غيره
أنا لسه ما زلت هاوي
و كمان م المغمورين ،،

  • Blogger Comments
  • Facebook Comments

0 التعليقات:

إرسال تعليق

Item Reviewed: أصبحت م المشاهير Rating: 5 Reviewed By: السيد خميس