Latest News
السبت، 18 مارس 2017

انا خايفه

 


شعر/ زهره مصطفى
وليه كل ما بشوفك 
ما بين التوهة والحاضر 
بشوفنى فى الدروب تايهه 
انا خايفه !!! 
اتصوف فى نن عينيك 
اقيد شمعة بنور ضيك 
ويخطفنى حنان قلبك 
ف بطمن .. 
أرتل فى حروف اسمك 
بدمعة نازلة تتكفى 
على الرمشين ... 
وبسمع فى رنين صوتك 
بكا للناى ..
يا وجع قلبك الطيب 
مشارك قلبى فى الاحساس 
يضم بالكفوف زهره 
ويتحمل قسوة الاشواك 
واااااااااه م الصبر لو طول 
بطوف فى رحاب قلبك 
و من مر العسل اسكر 
واتيمم بأنفاسك .. 
أكون ناسك .. 
و ارحل فى سراب ضلك 
مع. انك ....... 
مع انك 
بتفرد قلبك الشفاف وتتمنى ( ...... )
مانيش حورية م الجنة 
انا حوا .... 
يفوح عطرى ويملا الكون 
وعمر الكون ما كان جنه 
هتستنى .. وتستنى وتستنى 
ويستنى الهوا بينا 
ما بين حلمك .... وبين معقول .... ؟!
غصون احزاني هناك طارحه
بلاش قلبك الطيب 
يدوق مره ... 
وسيبنى فى الدروب تايهه 
كاس البنت ده كان صافى 
وكان دافى وكان ( ...... ) 
ودلوقت ............ 
انا خايفه
  • Blogger Comments
  • Facebook Comments

0 التعليقات:

إرسال تعليق

Item Reviewed: انا خايفه Rating: 5 Reviewed By: السيد خميس