Latest News
الأحد، 12 مارس، 2017

بــوكيـه .. ورد... لأمــي



خرابيش....محمد عبدالعزيز سويلم
................................................
كانت في يوم الأيام عندها عزوة... من زوج وأولاد وعيلة محترمة لها شأنها....إتجوزوا الأولاد كلهم.... ومات جوزها...أصبحت وحيدة....كانت كل سنة بتعمل عيد ميلادها والكل يشاركها فيه.....لكن دلوقتي مين هيشاركها.....كان عندها إحساس إن أحد أبنائها هيدخل عليها...عملت التورتة...ونورت الأنوار...وسقت الورد إللي في الزهرية....وإنتظرت...وهي حاطه إيديها علي خدها....يمكن حد من عيالها يسأل عليها..............
فجأة رن جرس الباب ....قامت بسرعة ...لقت عيل صغير شايل بوكية ورد وبيقول لها....كل سنة وإنت طيبة....قالتلوا... مين إللي إداك البوكية دا ياإبني ... قال لها واحد واقف تحت وطالع ورايا....ونزل الواد بسرعة.....كانت في منتهي السعادة...قلبها رقص من الفرحة....أخيرا" في حد...من أولادها هيسأل عنها...وفاكر عيد ميلادها....فضلت واقفة ورا الباب مستنية حضن إبنها إللي مسألش عنها من فترة....بس مش مهم....المهم إنه فاكرعيد ميلادها...وهيطفي نار الشوق في قلب أمه.....سمعت خطوات طالعة علي السلم....دق قلب الأم أكتر...مابقتش قادرة تقف علي رجليها ..من كتر الإرتعاش....
...وفي لحظه .....
ظهر الطفل إللي جاب ليها بوكية الورد....وقال لها .....معلش ياحاجة....بوكية الورد مش ليكي....دا ...جاي للشقة إللي قصادك....لوسمحتي عايز البوكيه الورد تاني.......
راحت الأم وخطوة قدام وخطوة تشدها للخلف...وجابت البوكية ...وإدته للطفل...............
لكن أنا حاسس بيها.....
وفيه سؤال عايز أسأله للجميع...........
#هو ليه الواحد لما يكبر الكل بيهرب منه ......
#هو لازم أبوك ....والا...إمك هما إللي يسألواعنك...؟؟؟؟..........
#هما مش عايزين منك بوكية ورد...هما عايزين يشوفوك بس........ أو تسأل عنهم.....ماأنت ياصاحبي دورك جاي........وهتكون زيهم...........
  • Blogger Comments
  • Facebook Comments

0 التعليقات:

إرسال تعليق

Item Reviewed: بــوكيـه .. ورد... لأمــي Rating: 5 Reviewed By: السيد خميس