Latest News
الثلاثاء، 11 أبريل، 2017

على قلبي السلام



الشاعر حسين الديب ،،،
سألت قلبي في الغياب
يا قلبي ليه زي الغريق ،،
هو إنت قاصد العذاب
ولا إنت ضليت الطريق ،،
جايز يكون قصدك لؤى بس الشقا
هو إللي نابك م الرفيق ،،
يا قلبي ليه شكلك كدة
عاوز تعيش من غير صديق ،،
،، و كان الجواب ،،
أنا قلبي مين إتحمله
مين إللي كمل يوم طريق
كان إبتداه من أوله ،،
مين إللي شافني ورا الستار
و السيئ فيا جمله ،،
مين إللي شافني في إنكسار
وطبطب على قلبي الجريح
و ساعدني من غير ما اسأله ،،
مين جنب قلبي كان وقف في الصعب
و لبر اﻷمان وصله ،،
و تقوللي قاصد العذاب
و تقوللي ضليت الطريق ،،
كانو فين حبايبي في الغياب
كان فين رفيقي و الصديق ،،
كانت حياتي مضلمة
و الضلام كان ونيسي في الطريق ،،
و قلبي بكى
شوفت البكا لساني عجز عن الكلام ،،
و واربت باب قلبي ف هدوء
ومشيت و أنا قلبي حزين
من غير ما اقول ليا السلام ،،
  • Blogger Comments
  • Facebook Comments

0 التعليقات:

إرسال تعليق

Item Reviewed: على قلبي السلام Rating: 5 Reviewed By: السيد خميس