Latest News
الجمعة، 21 أبريل، 2017

سيد الشعرا



الشاعر حسين الديب ،،،
تاه الضلام في النور
و العتمة ملت الضي ،،
و الحي أصبح ميت
و ميتنا صوته حي ،،
و الشعر لو يتولد
لينافق الحكام ،،
يبقى حرام ع الصوت
لو قولنا إنه شجي ،،
------
يا دولة الشعرا
الشعر مات في قلوبكم ،،
و جواكم النبرة
يظهر كلامها عيوبكم ،،
دا الشعر لو يتولد
خايف و مترعبب ،،
يبقى علاجو الموت
و يتحاسب على ذنوبكم ،،
-----
و ياسيد الشعرا
يا مؤسس الدولة ،،
إنت هناك بالجسد
و صوتك ما بينا حي ،،
وياما ناس راحت شهدا
عشان جمال نبرتك
وهبت لموتهم ضي ،،
و ما دام في حب الوطن
هنروح ألوف و ألوف 
و تنزع قلوبنا الخوف
و تجعل مكانه الضي ،،
-----
يابن الصعيد يابطل
كل إللي سمع صوتك
قال عليك دا نبي ،،
أصل النبوة ف أصلها عبادة و الشهادة
هيا هدف اﻷوليا وكل تقي ،،
------
و ياما يا أبنودي في اﻹنتكاسة
زرعت فينا روح الحماسة 
و إديتنا أمل للنصر ،،
و قويت العزيمة في وقت السد
وقولت راح تفضل أجمل ما فينا مصر ،،
و جمالها هينور ونورها يمتد
لسنين وراها سنين ،،
و ماله لو راح فداها
شهدا و بالملايين ،،
دي مصر تستاهل
العمر و كمان عمرين ،،
و نزيح ضلام الليل
و نرجع تاريخ المجد ،،
-----
وداعا يا أبنودي
ياسيد الشعرا ،،
و إحنا وراك شهدا
في اليوم أو في الغد ،،

  • Blogger Comments
  • Facebook Comments

0 التعليقات:

إرسال تعليق

Item Reviewed: سيد الشعرا Rating: 5 Reviewed By: السيد خميس