Latest News
الاثنين، 17 أبريل، 2017

هتفضل..!!




شيماء يوسف
وهتفضل شمس طلة وبيها فخور
واللي فتحت بعد اليأس طاقة نور
هتفضل إراده حديد وقلب جسور
وفرحة ما سابت في قلبي كسور
وإيد بكل حنان بتمسح دموع
نزلت بحزن من دنيا ماليها شرور
وهتفضل في سمايا بدر بدور
وأمل زرعته في أرض اليأس
وبيه طرحت نوار وأحلى زهور
وخلى أرض فرحي عفية وكانت بور
وخوف عليا ما له حد و عليا قلب غيور
وهتفضل الأمل وبعادك مش محتمل
و كل ما ليا مهما تعدي دهور
وانت روح الروح لفين ما تروح
و على البال ولو بنا جبال وبحور
وبيك بقول لزماني لقيت الهنا
وللفرح وراحة بالي جاني الدور
يا هدية ربنا ليا وقلب كله حنية
بحبك قلبي أكيد مسرور..
يا مالك قلبي وكياني نهيت حزني
واديتني مكانه أحلى شعور
و خطاوي بيها بالاقي الطريق ميسور
بوجودك ولا بسأل عن الدنيا
ولو كانت رعد وبرق و بركان بيثور


  • Blogger Comments
  • Facebook Comments

0 التعليقات:

إرسال تعليق

Item Reviewed: هتفضل..!! Rating: 5 Reviewed By: nona elsayed