Latest News
الأحد، 9 أبريل، 2017

حـبيبتي ...



خرابيش:محمدعبدالعزيز سويلم
...
ولقيت عيون كل البشر
باصين لنورك ياقمر
وأنا من بعيد عمال بسابق ف الزمن
يمكن يكون حكم القدر
إنك تكوني من نصيب قلبي الكبير
وأدفع تمن حبك لقلبي دنيتي
وأقتل عشانك كبرياء كل الملوك
ودا مش كتير
دا أنا حلم عمري
إني أكون خدام جنابك وأعشقك
وتكون في عهدك رتبتي خدام أميرة
وأكتب في وصفك 100 قصيدة
و100 قصيدة مش كفايه
وأنا مهما أكتب فيكي من قصايد 
إستحاله
إني إقدر أوصفك
مليون قصيدة مش هتقدر توصفك
ولابرضه بحر من المشاعر يوصفك
ولاألف شاعر
مهما قالوا هايوصفوا
ولا 100 كمنجا
مهما عزفوا هايعزفوا
صوت ضحكتك
أنا كل يوم بابعت سلامي لعيونك
ولنظرتك
وبقول من قلبي
بحبك يامصر ومحتاج محبتك
  • Blogger Comments
  • Facebook Comments

0 التعليقات:

إرسال تعليق

Item Reviewed: حـبيبتي ... Rating: 5 Reviewed By: السيد خميس