Latest News
الخميس، 20 أبريل، 2017

السوس



شيماء يوسف
ليه الدنيا قل اوي خيرها
ليه الناس باعت ضمايرها
يا اللي انت من دمي
طب ليه ما بتشبهنيش 
الفقرا يا عمي 
مش لاقيه لقمة عيش
باشتكي ليه تلومني 
ياريت ما تلومنيش 
دا اللقمة صبحت حاف
والفرشة صبحت خيش
ضمايركوا ليه فاسدة
وقليلتوا خير الناس 
نار الغضب أيدة
يا معدومي الاحساس 
عارفة مفيش فايدة
الجشع فيكو اساس
عيشتونا ف القحط
وخيرنا والله كتير
في الصخر ليه الفحت
ومصر كلها خير
مش من ربنا بتخاف
داالناس من فقرها صامت
وسنينا بيكوا عجاف
والاحوال اهي مالت
جيوبنا بيكوا نضاف 
وعليكوا البلد هانت
يا غاويين جمع ذنوب
بتعبوا ليه في فلوس 
الشعب بيكو مغلوب 
بكفاياكو ضعف نفوس
الكفن ما فيهش جيوب
ياللي ف جسم الوطن سوس

  • Blogger Comments
  • Facebook Comments

0 التعليقات:

إرسال تعليق

Item Reviewed: السوس Rating: 5 Reviewed By: السيد خميس