Latest News
الأحد، 16 أبريل، 2017

غريب "قصيدة"الشاعر سيد البالوي





الشاعر سيد البالوي

مابين الناس غريب لكن ف كل الناس تلاقيله قلوب تتمنى يتكلم وتسمع بوح تراتيله وتنده حسه يسبقها صدى احساسه جواها ويبقى مش لاقى اللقمة وع السلطان بيتباهى وفارس رغم ما عمره ركب فرسه ولا قاتل وعاشق ينكوى بجمره قلوب عشاقه تتقاتل بيمشى الارض تتمنى ما يرفع قدمه لسواها ويشكر حتى لو نملة جلس لثوانى وياها رقيق احساسه ف الدنيا بنات افكاره توحيله عجايب جنة المأوى وف الفردوس قناديله مابين الناس غريب لكن ف كل الناس تلاقيله قلوب تتمنى يتكلم وتسمع بوح تراتيله ورغم القسوة والضلمة وايامه اللى ليه ظالمة تبص ف وشه يضحكلك وتسمع منه تتسلطن وتنسى الدنيا ومشكلك وتتمنى يقول اكتر ويحكيلك عن الاساطير وعن عنتر وعن عبلة وعن غصن الزتون بالليل وعن نار الهوى القايدة وتخرج من زمان لزمان وترجع من زمن تالت ويحكيلك عن الاحلام وايامه اللى بيه مالت عشان رافض يكون انسان بشر عادى ف تفكيره عشان قلبه وقود بركان يصحى الدنيا بنفيره مابين الناس غريب لكن ف كل الناس تلاقيله قلوب تتمنى يتكلم وتسمع بوح تراتيله
  • Blogger Comments
  • Facebook Comments

0 التعليقات:

إرسال تعليق

Item Reviewed: غريب "قصيدة"الشاعر سيد البالوي Rating: 5 Reviewed By: nona elsayed