loading...

السبت، 1 أبريل، 2017

حلم




دوتو الكلمات 
شيماء يوسف
الشاعر طارق عطية
باحلم وإنا في عز النهار
بفرحة تحضن قلبنا
باحلم ببيت مليان عمار
وأمتى هنعيش حلمنا
بحلم براحة 
بس بصراحة 
خايف يكون مش وقتنا
طارق عطيه
باحلم بحلم يهمنا 
بنحلمه هنا كلنا 
رجوع أمجاد العروبة
يارب حقق حلمنا
شيماء
حلم 
باحلم أعيش إنسان سعيد 
وإيه حيمنع حلمنا 
يللاه نحلم من جديد 
نبني حياتنا بحبنا 
طارق عطية
باحلم بمصر تبقى جنة
وخيرها يبقى كله لينا
بلدي دي ترابها حنه 
واغلى من نور عنينا
شيماء
حلم 
باحلم ببر يكون أمان 
والمرسى حيكون شطنا 
نسابق الموج والزمان 
بلاش نقول مكتوب لنا 
طارق عطية
باحلم لسوريا بالأمان 
باحلم لها بوحدة ترابها 
ترجع لها أيام زمان 
ويتفتح لأولادها بابها
شيماء
حلم 
باحلم وحلمي مش خيال 
د.حقيقة تجري في دمنا 
لكن علي رأي إللي قال 
بإيماننا وبعون ربنا 
طارق عطية
باحلم بحلم جميل وزين
الأقصى تاني يعود الينا 
يتولد فينا صلاح الدين 
وبإيديه ترجع أراضينا
شيماء
حلم 
باحلم أخلي الضلمة نور 
باحلم بشجرة تظلنا 
مش كبرياء ولا بالغرور 
بأدينا تحقيق حلمنا 
طارق عطية
با احلم بالإرهاب يختفي 
ويعم ياريت السلام 
وشمعة الخوف تنطفي 
وامتى تتحقق الأحلام

شيماء
حلم 
باحلم ألاقي صحيح صديق 
أخونا مش من أمنا 
ياخد بأيدي أنا والطريق 
أيدينا في إيدين بعضنا 
طارق عطية
باحلم بشمل العرب يتلم 
ويردوا كيد عدوهم 
ومصر ليهم تبقى أم 
ويبنوا وحدة تضمهم
باحلم ببكره علي العرب
فيه تختفي ريحة البارود
سلاحهم للي بيكرهوا 
وللعرب تبقي الورود
شيماء

إرسال تعليق

رياضة

فنون

تكنولوجيا

 
copyright © 2014 جريدة إرادة شعب مصر | تصدر عن مؤسسة إرادة شعب مصر