Latest News
الأحد، 7 مايو، 2017

البقاء لله



الشاعر حسين الديب
عايشين بنواسي ناس
ونفرح قلبهم ،،
و بيجرح فينا ناس
و يزيدو ف جرحهم ،،
و يدوس في قلوبنا ناس
و إحنا بنفتح لهم ،،
و بيودع فينا ناس
قسما بنحبهم ،،
-------
ملعونة الدنيا ديا
عاملة ك.المسرحية ،،
و الظالم فيها دايس
و عايش دور الضحية ،،
و المظلومين بيبقو
صابرين فيها كتير ،،
و يوم ما بيشتكولنا
بنقول إصبر شوية ،،
و نقول بكرة هتفرج
و أكيد راح تنتهي ،،
و يبقى دايما بيضحك
علشان ينسى اﻷسية ،،
-------
و تدور بينا الليالي
و نودع في الحبايب ،،
و تفرقنا الليالي
و تجمع كل غايب ،،
لكن آخرتها إيه
الكل راح يفارق ،،
و الكل أكيد هيفنى
و لله البقية ،،
  • Blogger Comments
  • Facebook Comments

0 التعليقات:

إرسال تعليق

Item Reviewed: البقاء لله Rating: 5 Reviewed By: السيد خميس