loading...

السبت، 8 يوليو، 2017

عشت يا جيشنا



شيماء يوسف
عشت يا جيشنا ع الدوام 
دا فيك مهما نقول كلام 
مش هيوفي حق أبدا 
ولا هيوفي الإحترام
عشت وعاش كل ولادك 
هما رمز الإلتزام 
كل واحد فيك رجوله 
وقت الخطر شجاع همام
دقت ياما ع الراس طبول
سهرانه عيونك لو ننام 
ولو يجور اي ظالم 
ظلمه ترده ع الدوام
لا خونت مره أبدا أمانة
مانتوا كرام أولاد كرام 
كام شهيد مات فدانا
ولا يوم حسبتوا هما كام
عارفينه واجب الشهادة
جزاءه جنة م العلام 
مات الشهيد لكنه حي
وعرسه ف الجنة يقام
أسود وواقفه ع الحدود
بيهم مصر لن تضام
لا يمكن في يوم راح تضيع
وجيشها ماسك الزمام
شوفوا صبر الأمهات 
بتزغرد بفرح رغم الغمام 
ام الشهيد صابرة جدا
ومحتسبة برغم الألام
في قلوبنا ساكن ياشهيد
حي لسه يا اشجع غلام 
ملفوف ف علم مصر وانت
ف وجهك ضحكة و ابتسام
وف اخر القول يا مخلصين
ليكوا مننا تعظيم سلام 
انتم خير جنود الأرض 
كلام رسولنا خير الكلام

إرسال تعليق

رياضة

فنون

تكنولوجيا

 
copyright © 2014 جريدة إرادة شعب مصر | تصدر عن مؤسسة إرادة شعب مصر