loading...

الخميس، 13 يوليو، 2017

لحظة صفا



شعر / زهره مصطفى 
هتسامح وتتسامح 
وتمحى الذنب من قلبى 
اناديلك ... فترجعلى 
جنين يحبى فى دروب 
حبى .. 
وانا على ذمة الماضى 
باكون حاضر 
باكون ناعسه وفى الخاطر 
باشيل همك على همى 
فتسمح لى ... 
الاطف بسمه فى جوارحك 
واهدهد دمعة فى ضلوعك 
وأمد كفوفى تندهلك 
تجينى بقلبك الطيب 
وتنسى أكيد و نتسامح ... 
اناجى طيفك الحيران 
وانا ساكته .. 
وباتمنى تشوف النبض 
جوايا .... 
يسافر جوه فى عروقك 
مع نبضك
ومش قادر على الهجرة و لا الترحال
بيزرع فى صحارى روحك الخضره.... 
وبيخضر
و يبدر في غيطان قلبك 
زهور الحب 
تتعطر ..... 
ومش عارف ... 
وبيسافر مع الايام فى سرب 
سنين و ترحيله ..... 
و لا عارف نهاية مده فين 
رايحه ... 
جواز سفره بلا تأشيره 
أو عنوان .. 
وتأشيرة على الصورة 
و دمعة يتيمة ممضيه من الأحزان 
بتترجاك .... 
متسألش عن الرحلة... 
وخلى قلبك الطيب 
جدار مفتوح ... 
يجوز ارجع .... 
وافرش جوا ملكوتك 
واحة روحى من تاني ... 
ومن تاني 
اكون وطنك من الغربه 
وم الترحال ...

إرسال تعليق

رياضة

فنون

تكنولوجيا

 
copyright © 2014 جريدة إرادة شعب مصر | تصدر عن مؤسسة إرادة شعب مصر