Latest News
الجمعة، 21 يوليو، 2017

ماهية شهر



الشاعر حسين الديب ،،،
دي ماهية إيه
الكام ملطوش ،،
و الجيب كان فيه
و أصبح مافيهوش ،،
بالخير عمران
يااهل الله زمان ،،
و زمان كان فيه
و زمان ماضي ،،
و هنعتب ليه
على جيب فاضي ،،
تيجي تمسك فيه
يطلع مافيهوش ،،
-------
العيب ع الجيب
و دا كان مليان ،،
و أصابو الشيب
أصبح كحيان ،،
و هتفرق إيه
لشباب تعبان ،،
ماشي و الحظ
لسه ما صادفوش ،،
--------
إمسك في الرزق
يا ابا حلق حوش ،،
يا ابا تبت فيه
قوي ما تسيبهوش ،،
يمكن تلاقيه
يعمر جيبك 
يمكن تطلع
تعميرته فشوش ،،
------
يمكن تطلع
تعميرة مش هيا ،،
و تبقى حياتك
دايما ملاغية ،،
و هتعمل فيك
زي الشهرية ،،
و يتملي جيبك
بالكام ملطوش ،،
  • Blogger Comments
  • Facebook Comments

0 التعليقات:

إرسال تعليق

Item Reviewed: ماهية شهر Rating: 5 Reviewed By: السيد خميس