Latest News
الأربعاء، 18 أكتوبر، 2017

قوم يا مصري


الشاعر حسين الديب ،،،
قوم يامصري شوف بلادك
و إقهر إللي بيعاديها ،،
قوم يا مصري و شوف ولادك
إللي بتموت و تفاديها ،،
قوم وشوف الكره باين
للي واقفين في الكماين ،،
قوم يامصري شوف و عاين
دا البلاد ربك حاميها ،،
________
قوم وشوف الجندي أخوك
و الجنود أولاد جيرانك ،،
إللي ماتو و بيفادوك
و غيرهم ماتو كتير عشانك ،،
قوم عشان أمك وابوك
يعيشو دايما في أمانك ،،
ويعيشو في آمان بلادي
ويحسو باﻵمان دا فيها ،،
______
قوم يامصري وإحمي بلدك
إحمي مالك و إحمي عرضك ،،
حتى دمك لو تموت
هينزل منك يروي أرضك ،،
و الرمال تطرح سنابل
و الجنان تفتح ببانها ،،
و الرجال تقهر قنابل
و إللي مات يموت عشانها ،،
يموتو عشرة يموتو مية
وتموت ألوف لاجل تفاديها ،،
__________
قوم يامصري عشان بهيه
قوم عشان تحمي القضية ،،
و إن كات حياتك ليها ديا
ما ياما ناس راحو ضحية ،،
ماتو عشان تحيا بلادك
تحيا والخير دايما ماليها ،،
-------
قوم يا مصري
دي مصر دايما بتناديك ،،
قوم و إحمي
دي الحماية هتبقى ليك ،،
قوم وخلي الهمة عالية
دا مهما كان اﻷرض غالية ،،
قوم ما تتأخرش ثانية
دا مهما كان خيرها عليك ،،
قوم دا خيرها على إللي قبلك
وخيرها دايم للي بعدك ،،
قوم وقدم ليها قلبك
إللي خاف دايما عليها ،،
-----------
و إدعي ربك ليك و ليها
تحيا والخير يبقى فيها ،،
و إدعي دايما للجنود
إللي واقفين ع الحدود
و إللي بعيونهم شهود
إن مصر حبيبتي هيا
اﻹله إللي حاميها ،،
اﻹله إللي حاميها ،،

  • Blogger Comments
  • Facebook Comments

0 التعليقات:

إرسال تعليق

Item Reviewed: قوم يا مصري Rating: 5 Reviewed By: السيد خميس