Latest News
السبت، 14 أكتوبر، 2017

،، مصر أولا ،،


الشاعر حسين الديب ،،

مش ماشية سمسرة و عمولة
بس فيها كمان جولة ،،
من يوم ماكنت ف سنة أولى
و شايفها واخدينها مقاولة ،،
ماتقولش كان طيب و نزية
دا كان عايشها بالتهبيش ،،
و كان دايسنا أخينا البية
لحد ما نجانا منه الجيش ،،
وكان واخدنا خدام ليه
عايشين بنشحت لقمة عيش ،،
و الإسم عايشين في الدولة ،،
-------
أنا شايف الدنيا أهي ماشية
بس خطوتها تقيلة ،،
ماهو راح وساب لينا الحاشية
حاشية مريضة و عليلة ،،
وبيقولو دول هما معانا
و هما إللي واكلين في عشانا
و مشيو وفاتولنا حشانا
منيل بسبعين تنييلة ،،
--------
إنجاز و ع الكل أهو فايت
ماشي و عامل هليلة ،،
وشاف الفقير شبعان عايط
فقال له كام كلمة جميلة ،،
وقاله هتشوف الفرحة
إنت و كمان كل العيلة ،،
و رمى في طريقه آمال طارحة
خدها و خلاها ضليلة ،،
-------
ودلوقت مش ماشية عمولة
ولا ماشية سمسرة و مقاولة ،،
و عشان ما تبقى لنا اﻷولى
هنخوض كمان آخر جولة ،،
----------
إحنا معاك لاجل ما تحلى
و تكون كمان أحلى و أحلى
و عشان ما ترجع للوحلة
هنسير معاك كل محاولة
--------
و عشان ما تطلع بينا للنور
هنسير معاك و نعدي بحور ،،
و إللي هيبني ما بينا قصور
بالجزمة نديله مناولة ،،

  • Blogger Comments
  • Facebook Comments

0 التعليقات:

إرسال تعليق

Item Reviewed: ،، مصر أولا ،، Rating: 5 Reviewed By: السيد خميس