Latest News
الأحد، 12 نوفمبر، 2017

،،، العلم ضد اﻹنحطاط،،،


الشاعر حسين الديب ،،،

الدنيا مليانة إنحلال
و الحرام أصبح حلال ،،
و الفساد بقى في العيال
يسبق كتير سن الشيوخ ،،
-------
الفن مليان إنحطاط
و القبح أصبح موهبة ،،
مابقاش خلاص شاعر بلاط
ولا في مغني كوكبة ،،
ولا في ممثل باﻷدب
السمعة تسبق 100 صاروخ ،،
--------
إعلامنا مابقاش إمتهان
و المهنة صبحت مقرفة ،،
و العلم واقف ع الببان
و كتب كتير ع اﻷرصفة ،،
و الطب مرمي على الحيطان
شهادات ولكن مكسفة ،،
والمريض لاجل الفلوس
ع العلاج لازم يدوخ ،،
---------
الدنيا ماشية بالتضاد
وكل حاجة وعكسها ،،
البنات بقو و الولاد
ما تتعرفش ف لبسها ،،
حتى خطاوي المشية بينهم
الولد بقى له ميول
و البنت زيه في مشيها ،،
البنت تقول ع الواد دا مز
و الواد يقول مكنة و صاروخ ،،
-------
ألفاظ و خارجة م اللسان
لكن بتوصف العقول ،،
مثل قالوه أهل زمان
في عقول زي العجول ،،
و في عقول مش في الدماغ
دا في عقول تحت الرجول ،،
و مادام صاحبها عاوز كدة
ب شومة و إضرب ع النفوخ ،،
------
لكن اﻷدب محتاج رجال
تعلمه لكل الأجيال ،،
مش عاوزة سلطة و جاه و مال
علشان نطهر النفوس ،،
و العلم مش هدفه الفلوس
و صاحبه غني ولو كان في كوخ ،،
----------
العلم يهزم الإنحلال
و الفساد و اﻹنحطاط ،،
و بالعلم يبقى الفن عال
و يربي جيل شعراء بلاط ،،
و المهنية في اﻹعلام تعود
و تمحي منه اﻹعتباط ،،
وتخلي الفنان يسود
و بالسمعة يسبق 100 صاروخ ،،
  • Blogger Comments
  • Facebook Comments

0 التعليقات:

إرسال تعليق

Item Reviewed: ،،، العلم ضد اﻹنحطاط،،، Rating: 5 Reviewed By: السيد خميس