Latest News
الخميس، 21 ديسمبر 2017

مصر يا وردة



شيماء يوسف

صباح الخير يا بلادي ...
يا غالية يا أم الجبين فضة 
مصر يا أعز ما عندي ...
ومن طهر نيلك بنتوضى
لو قبال خدك الوردي ... 
كنوز الدنيا مش هارضى
يعيش ابني وعاش جدي ....
ومن خيرك بنتربى
ومين يكره البلد دي ...
إلا نفوس مرضى
سعدك دا يوم سعدي ...
.وبأقل قليلك هنتقضى
وكل أزمة هتعدي .......
وعلى قد لحافك هنتغطى
وتنزل دمعه على خدي ... 
لو كنتي للخطر عرضة
لعلاك يا مصر يزيد كدي .... 
ولا ارضك تكون فوضى 
أنا مصرية ومين قدي ..
.دا قالوا في المثل حتى 
أكيد نص عمره .فات....
اللي على مصر ما عدى 
والتاريخ على أرضها .. ..
كله جه هنا وهدى 
ودون أروع سطور ...
.ولمجدها أخد وادى 
لما كم نبي ورسول ...
مر على أرضها وخطى 
فداك روحي فداك الدم ... 
وعدوك عليك ما يتعدي 
ونكون ليك حصن أمان....
ولكل دخيل بقوه نتصدى
يهون علشانك كل غالي 
وبدمانا نرويك ياوردة

  • Blogger Comments
  • Facebook Comments

0 التعليقات:

إرسال تعليق

Item Reviewed: مصر يا وردة Rating: 5 Reviewed By: السيد خميس