Latest News
الخميس، 19 أبريل 2018

،، أم العيال زوجتي ،،



الشاعر/ حسين الديب ،،

ياااا سر صبري ع البلا
ياام العيال يا زوجتي ،،
يا ثباتي وسط البرجلة
و ف المهزلة بتكوني إنتي عزوتي ،،
يا نصري في كل الحروب
يا سر أسرار قوتي ،،
يا فرحي وسط المحزنة
يا كل حاجة ممكنة
يا شطر من جسمي أنا
يا أحلى حاجة في دنيتي ،،
-------
يا حب خارج عن إرادتي
يااا سر من أسرار سعادتي ،،
يلي إنتي في حزني إبتسامتي
و إنتي ف حياتي فرحتي ،،
---------
يا نور عنيا في الضلام
يا أحلى حلم في اﻷحلام ،،
من قلبي ببعتلك سلام
يا ام العيال يا زوجتي ،،
  • Blogger Comments
  • Facebook Comments

0 التعليقات:

إرسال تعليق

Item Reviewed: ،، أم العيال زوجتي ،، Rating: 5 Reviewed By: السيد خميس