Latest News
السبت، 2 يونيو 2018

نور عنينا



أشعار المهندس / ثروت سليم
-------- 
كنت فعلا نور عنينا *** واحنا كنا نور عنيك
لما كنت تحس بينا *** كلنا بنخاف عليك
واللي كان يلمس جنابك *** بالكلام أو بيعاديك
ألقى روحي تروح لروحك *** كنت أبيعه وأشتريك
واحنا جددنا انتخابك *** والحكاية بين ايديك 
-----
آه بحبك ..بس حبك *** كان وراه هجر ودموع
كان وراه انك نسيتنا *** مين هيشبع أو يجوع
نفسي ترجع مصر حلوة *** وانت تقدر ع الرجوع
أيوه ترجع مصر غنوة *** حُب لاحمد ..وليَسوع
د احنا نصبر ع الولادة *** بس نفرح في السُبوع 
-----
عمري ما اقدر أنسى فضلك *** وانت أمِنْت الحدود
انت شلت الشيلة واحنا *** كنا وياك الجنود
واللي جه يلعب بدينه *** أو بديله ..لن يعود
بس وحياة اللي بينا *** نفسي توفي بالوعود
نفسي متشمتش فينا *** اللي خان ويا الحسود 
-----
مش هيحكم مصر مرسي *** أو عصابة أردوغان
أو فصيل بيموت في كرسي **واللي كان زي اللي كان
احنا مش عايزين نسيبك *** بس عايزين الأمان
مش نقوم الصبح نصحى *** نلقى مصر ف برطمان
والجنيه ميجبش نكله *** والحمار زي الحصان
واللي يشحت واللي يسرق *** واللي واقف ع البيبان
لسه بنحبك يا ريس *** بس شعري مُوش جبان
لما حسيت ان قلبي *** نبضُه واقف من زمان
نور عنينا وموش بايدينا *** دا بمكان وانت بمكان
  • Blogger Comments
  • Facebook Comments

0 التعليقات:

إرسال تعليق

Item Reviewed: نور عنينا Rating: 5 Reviewed By: السيد خميس