Latest News
الأحد، 8 يوليو 2018

الوسيه



بقلم كابتن |سعيد عبد العزيز الحاجه

ياغربانا المفتريه 
شجرتنا مش تكيه 
ولا طيورنا عمال وسيه 
تخطفوا ثمارها الطريه 
سيبوا لنا العاطبه الهافيه
أديكوا طايله وقويه 
وتعينوا غربان المحسوبيه
وطيورنا صابره ومستحيه 
ياغربنا المفتريه 
شجرتنا مش تكيه 
عقول شجرتنا الأبيه 
هاجرت لبلاد الأجنبيه 
تبحث عن لقمه هنيه 
وسواعدهم لسه فاتيه 
وعقولهم ناضجه وذكيه 
خافوا من غربنا المفتريه 
تشغلهم فى الوسيه 
وحواصلهم تفضل نقيه 
وعرقهم يروح ضحيه 
ياغربنا المفتريه 
شجرتنا مش تكيه 
أرحمونا لو شويه 
وخافوا رب البريه 
طيورنا مش هافيه 
بنوا البلاد الأجنبيه 
وشجرتنا صابره وقويه 
ضلها يغطى البريه 
لو قلوبكم تبقى تقيه 
وتسيبوا فتاتكم للرعيه 
ياغربنا المفتريه 
شجرتنا مش تكيه 
ولا طيورنا عمال وسيه 

  • Blogger Comments
  • Facebook Comments

0 التعليقات:

إرسال تعليق

Item Reviewed: الوسيه Rating: 5 Reviewed By: السيد خميس