Latest News
الخميس، 16 أغسطس 2018

ماتزعليش



كابتن |سعيد عبد العزيز الحاجه

ياحبيبتى ما تزعليش 
لما أقسى فى يوم عليكٍ
أو أشتم حتى فيكٍ
أوعى تقولى ما بيحبنيش
أنت ولدانك ما بتستحيش
مع الساده بتكونى سخيه 
وليه معاى مستحيه 
لما أطلب ما بترفضيش 
بتمرمطينى علشان ما أجيش
ومع الساده ما بتستحمليش
يبقى لما أشتم ماتزعليش 
تضمى وتحمى أل بينهبوكى
وأنت عارفه أل بيسرقوكى 
وبنوكهم ما بتتمليش 
وأنا عاوز بس أعيش 
أمجاد تاريخك ما تتنسيش
وهمه خلوكى ما تساويش 
يبقى لما أشتم ما تزعليش 
أنا بعتب بس عليكٍ
أى محنه تمر بيكٍ
دمى يجرى بين أديكٍ
وفى شدتى ما بتشفيش
أنا عايش جوه منك 
ما أقدرش أستغنى عنك 
وهمى هو همك 
بس أعدلى بين ولادك 
ماتسبيش سائل بباك
وأن كرهوكى ما تصدقيش 
أنا بس عاوز أعيش 
يا حبيبتى ما تزعليش 

  • Blogger Comments
  • Facebook Comments

0 التعليقات:

إرسال تعليق

Item Reviewed: ماتزعليش Rating: 5 Reviewed By: السيد خميس