Latest News
الأربعاء، 29 أغسطس 2018

صرخه جمل ...



بقلم كابتن |سعيد عبد العزيز الحاجه

أنا جمل ومرتبى ألفين 
أحسبها أنت يا نور العين 
أكفى ولادى بس منين 
يادوب بيخلص بعد يومين 
لا بقول لحمه ولا كفيار 
يادوب بطاطس جنب خضار 
وعيش وجبنه عليها خيار
على طبليه وحصيره فى الدار 
مش دلفرى وأدفع بدولار 
وعيشه بقت مرار فى مرار
وولادى طلباتهم أجبها منين 
كليات ومدارس يا ستار 
وسناتر فاتحه ليل ونهار 
وجيبى رصيده خلاص إنهار
وضغط وسكر وأنا محتار 
هم وشيله ليل ونهار 
وأنا جمل ومرتبى ألفين 
أحسبها أنت يانور العين 
أكمل شهرى بس منين 
حازم عاوز بنطلونين
وأخته عاوزه بلوزتين 
وعماله تلح من سنتين 
وشنطه وكتب وكرستين 
وتذاكر المترو بقت ضعفين 
وبيقولوا الجزمه بقت ب 200
أجيب كله بس منين 
ولو ولد مرض من الولادين 
ألف وأجرى أروح على فين 
عيادات خاصه بقالها سنين 
والفيزا غليت يجى ضعفين 
ومشافى خاليه من الفيتامين 
ونيرس نايمه على كرسيين 
ولبانه تضرب فى الشدقين 
تصرخ وتقول مافيش فيتامين 
وأجيب كله بس منين 
وأل مرتبه .مرتى فى 200
الدوله تشيله فى نن العين 
صحه . شغل .خدمه . أتنين 
كله بيخلص برمشه عين 
وياخد ورده مع الياسمين 
وأنا شايل همى وأروح على فين 
كهرباء . مياه . غاز .رفعوه ضعفين 
والدعم ياخويه يادوب جنهين 
ورفضوا يضموا ولادى الأثنين 
بيقولوا أن مرتبى 2000
أشق هدومى من الجهتين 
وأهج بس هروح على فين 

  • Blogger Comments
  • Facebook Comments

0 التعليقات:

إرسال تعليق

Item Reviewed: صرخه جمل ... Rating: 5 Reviewed By: السيد خميس