Latest News
الخميس، 20 سبتمبر 2018

،، وقت الضحى ،،



الشاعر / حسين الديب ،،

وقت الضحى
الجمع يومها كان غفير ،،
موسى واقف بالعصا
و فرعون بيعتبره أسير ،،
موسى النبي إثبت مكانك لاتخف
قالهاله مولانا القدير ،،
وقف النبي
و الكل راقب مشهده ،،
ما يعرفوش إنه نبي
و معجزاته معاه من يوم مولده ،،
لما إترمى في اليم 
و هو عمره كان ساعات
و الميه جت وخداه لحد باب القصر ،،
و أمه خايفة عليه لا يصيبو الممات
و المولى كاتب ليه
يبقى أعاظم مصر ،،
مايشهدوش موقفه
وهو فوق الطور
واقف يكلم ربنا وبيستجيب للأمر ،،
ولما راح لبنات شعيب يرفع بإيدو الحجر
و دا كان ما يقدر يرفعه
أعداد ماليها حصر ،،
دلوقت موسى جاي يواجه بالعصا
فرعون و أهل الكفر ،،
حدف العصا و إتحولت تعبان كبير
يبطل بعظمة ربنا السحر المبين ،،
إبطل ياربي سحر ساحر
موسى بيدعي
و الملايكة وراه بيقولو آمين ،،
إفرح يا موسى و إفتخر
السحرة آمنو بمعجزاتك
و بيك يا موسى أصبحو م المؤمنين ،،
إفرح يا موسى يا كليم و إفتكر
وقت الضحى
بعد إم كنت في وقت ضيق
بقيت هنا م المنصورين
  • Blogger Comments
  • Facebook Comments

0 التعليقات:

إرسال تعليق

Item Reviewed: ،، وقت الضحى ،، Rating: 5 Reviewed By: السيد خميس